Drejtoria kryesore e Inteligjencës e Ministrisë së Mbrojtjes së Ukrainës konfirmoi informacionin se lideri çeçen Ramzan Kadyrov është në gjendje kritike, raporton portali ukrainas Obozrevatel, duke shtuar se më herët burime të tij nga diaspora çeçene thanë se Kadyrov është në koma.
Përfaqësuesi i drejtorisë Andrij Jusov tha për portalin e lartpërmendur se një sëmundje e Kadyrov-it u përkeqësua, gjë që çoi në gjendjen e tij të rëndë.
“Po, është e vërtetë, ka informacione se Kadyrov është në gjendje të rëndë – një sëmundje ekzistuese i është përkeqësuar dhe kjo e ka çuar në gjendjen e tij kritike”, theksoi ai dhe shtoi se informacionet për gjendjen kritike të liderit çeçen u konfirmua nga burime të ndryshme dhe se si shkaku është një sëmundje, jo një dëmtim apo plagë.
Më tej Obozreval shkruan se informacioni është konfirmuar nga burime të ndryshme nga qarqet mjekësore dhe politike, si dhe se nuk bëhet fjalë për lëndim apo plagë. Shtohet se detaje të tjera kërkojnë sqarime shtesë.
Sëmundjet e veshkave
Kolegët ukrainas shkruajnë se Kadyrov ka qenë i sëmurë për një kohë të gjatë dhe se më herët gjatë ditës së sotme diaspora çeçene deklaroi se Kadyrov është në koma prej ditësh. Ata theksojnë se ai ishte dërguar në Moskë, por atje nuk mund ta ndihmonin, kështu që u kthye në Çeçeni dhe aktualisht po planifikohet transportimi i tij jashtë Federatës Ruse, me siguri në Emiratet e Bashkuara Arabe.
Thashethemet për sëmundjen e rëndë të Kadyrov-it qarkullojnë prej muajsh, që në mars 2023, kur Bild, duke cituar ish-zëvendëskryeministrin e Çeçenisë, Ahmad Zakayev, se Kadyrov ka një sëmundje të rëndë të veshkave dhe se ka sjellë një mjek nga Emiratet e Bashkuara Arabe në Çeçeni sepse ai nuk u beson mjekëve të Moskës.
Kohët e fundit, mediat tërhoqën vëmendjen për ndryshimet e papritura në pamjen e Kadyrov-it, veçanërisht për ënjtjen e madhe të fytyrës dhe pajisjen mjekësore në gishtin e tij, kështu që supozohej se veshkat e tij po dështonin.
Një nga djemtë e tij konfirmoi indirekt sëmundjen e liderit çeçen duke publikuar një video në të cilën ai thotë se sa e vështirë është të humbasësh babain e tij. /teshesh.com/
