Shërbimet sekrete amerikane kishin paralajmëruar prej dy muajsh mundësinë e një sulmi terrorist në shëtitoren “Las Ramblas” në Barcelonë.
Në muajin maj, CIA kishte paralajmëruar mundësinë e sulmeve në disa qytete europiane të cilat mund të bëheshin shënjestër e sulmeve terroriste.
Alarmi erdhi pas sulmeve të kryera tashmë në Londër, Stokholm, Berlin dhe Nicë.
“El Peridoico” shkruan se Agjensia Qendrore e Inteligjencës (CIA) specifikisht kishte përmendur “Las Ramblas”, ndërsa informacionet ia kishin paraqitur policisë lokale “Mossos d’Esquadra”.
“CIA kishte paralajmëruar ‘Mossos d’Esquadra’ se Barcelona mund të bëhej një shënjestër terroriste. Agjencia qendrore e inteligjencës e kishte bërë lajmërimin për policinë katalane dy muaj më parë. Madje kishin specifikuar edhe ‘Las Ramblas’”, shkruan gazeta spanjolle.
Nga sulmi i të enjes në Barcelonë humbën jetën 14 qytetarë me kombësi të ndryshme, ndërsa mbi 60 të tjerë u plagosën. Autori i dyshuar i sulmit është ende në kërkim nga policia spanjolle. /tesheshi.com/
