SHBA-të po vazhdojnë ndërmjetësimin “prapa skenave” lidhur me një zgjidhje të qëndrueshme të raporteve mes Serbisë dhe Kosovës, dhe mediat serbe po raportojnë se Amerika madje ka caktuar një afat të ri për zgjidhjen e çështjes së Kosovës.
Portali serb “Blic” raporton se administrata e presidentit Donald Trump mundohet të sjellë një zgjidhje deri në qershor të vitit të ardhshëm dhe për këtë arsye kundërshtojnë fuqishëm bojkotimin e zgjedhjeve.
Ata po thonë se SHBA-të do të bëjnë gjithçka që munden për ta bindur opozitën në Serbi të marrë pjesë në zgjedhje që do të mbahen në pranverën e vitit tjetër.
Përveç kontakteve të shpeshta mes zyrtarëve amerikanë dhe krerëve të Serbisë dhe Kosovës, diplomatë nga SHBA-ja mundohen ta afrojnë qeverinë dhe opozitën në Serbi që nëpërmjet dialogut të arrihet një marrëveshje dhe të shmanget bojkoti i zgjedhjeve.
Po ashtu, thuhet se zyrtarëve serbë u është thënë se taksa do të hiqet dhe gjithçka pritet të shkojë më lehtë pas largimit të Ramush Haradinajt nga posti i kryeministrit të Kosovës. /tesheshi.com/
