Mediat serbe i kanë dhënë rëndësi të konsiderueshme arrestimit të shoferit të konsullatës së Kosovës në Nju Jork për pastrim parash.
Siç bën të ditur televizioni serb B92, Albert Veliu përshkruhet si i lidhur me shumë drejtues të PDK-së.
B92, duke iu referuar mediave të Nju Jorkut, thekson se Veliu u arrestua pasi po shiste një sasi të madhe armësh automatike AK-47, apo të famshmin “kallashnikov”, si dhe raketa antitak për gangsterët meksikanë.
B92 thekson se Veliu u arrestua nga FBI ndërsa po kryente transaksionin e shitjes së armëve.
Nga një operacion i përbashkët i DEA-s amerikane u arrestuan 10 persona njëkohësisht në Prishtinë dhe Nju Jork. /tesheshi.com/
