Kryeministri i Shqipërisë, Edi Rama u shfaq në stil joformal edhe në samitin e Ballkanit në Mal të Zi, ku ishte prezent edhe zv. Presidenti amerikan, Mike Pens, duke veshur përsëri atlete, shkruan portali serb B92.
Rama ka shkruar në llogarinë e tij në Facebook, se zv.Presidenti amerikan ka “nënvizuar fuqishëm interesin e SHBA-ve për fuqizimin e bashkëpunimit me shtetet e Ballkanit Perëndimor, si dhe forcimin e lidhjeve reciproke në mes të SHBA dhe këtyre vendeve, në mënyrë që të përballen me sukses me sfidat e sigurisë, paqes dhe prosperitetit në rajon dhe në Evropë”.
AP citon se Shqipëria, anëtare e NATO-s që nga viti 2009, pritet që në të ardhmen e afërt të fillojë negociatat me BE-në për anëtarësim të plotë.
Kjo nuk është hera e parë që Rama mban “stil joformal” gjatë takimeve të rëndësishme. Ai ka veshur atlete edhe gjatë Samitit të Ballkanit Perëndimor, si dhe gjatë takimeve me Frederica Mogherini, përfundon shkrimin B92. /tesheshi.com/
