Pjesa më e pandriçuar e Samitit të Parisit që drejtohej nga kancelarja Merkel dhe presidenti Francez, Franqois Hollande, janë diskutimet mbi një “depërtim të frikshëm rus në Ballkan”.
Siç mësohet, kanë qenë të prera qëndrimet e kancelares ndaj kryeministrit serb Aleksandër Vuçiq që të mos afrojë në qeverinë e re asnjë prej elementëve filorusë që janë futur në Parlament në zgjedhjet e 24 prillit.
Dhe për këtë i ka ofruar Beogradit edhe “shkopin” edhe “karrotën”.
Në fillim, BE rrëzoi vazhdimin e negociatave të anëtarësimit me Serbinë, duke marrë si sebep votën kundër të Kroacisë, ndërkaq sot bëhet e ditur se Merkel i ka premtuar Vuçiq se në vjeshtë Brukseli do të votojë pro.
Këtë e bën të ditur televizioni pro-europian i Serbisë, B92, i cili thekson se kancelarja Merkel i ka bërë të ditur një sërë kushtesh të qarta kryeministrit serb, i cili menjëherë pas zhvillimit të zgjedhjeve dhe fitimit të tyre me shumicë absolute, fluturoi në Moskë ku u takua “privatisht” me Presidentin Vladimir Putin.
B92 flet për “ç’aktivizim të bombave ruse” në Serbi dhe Ballkan.
Merkel i ka kërkuar që Vuçiqit të afrojë në ekzekutivin e ri të gjithë eksponentët filo-perëndimor dhe të mos ketë më marrëveshje me ministrin e Jashtëm, Ivica Daçiq.
Gjithashtu, edhe emërimi i Riza Halimit në krye të Trupit Koordinues për Preshevën është fryt i porosive që vijnë nga Berlini.
Në javën e ardhshme pritet që negociatori gjerman për Shkupin të mbyllë edhe çështjen e krizës në Maqedoni dhe në muajin gusht do të ketë një qëndrim të ri të Bashkimit Europian për Ballkanin; një qëndrim që pritet të sjellë një numër investimesh direkt që të mos kontaminohet rajoni nga qarqet ruse.
Siç bën të ditur B92, Vuçiç Sdeklaroi se ende nuk e di se kë do të ketë në kabinetin e ri qeveritar. Një mesazh ky shumë i qartë politik për të treguar se gjithçka do të vijë nga “lart”. /tesheshi.com/
