Disa media serbe bëjnë të ditur se skenari i grupit terrorist serb në Mal të Zi ngjasonte si dy pika uji me atë të organizatës FETO në grushtin e shtetit të ndodhur në mes të korrikut Turqi.
Komandoja që ka shkuar për të vrarë kryeministrin malazez, Milo Gjukanoviç kishte të njëjtin plan siç tentoi të neutralizonte presidentin turk, Rexhep Taip Erdogan.
Presheva Jonë thekson se organet hetimore serbe kanë gjetur një plan identik me atë të organizatës gyleniste në Turqi.
Prokuroria Speciale Shtetërore e Malit të Zi, me anë të një komunikate zyrtare njoftoi se grupi prej 20 shtetas serbë akuzohet për dy vepra kriminale, ndër të cilat është plani për arrestimin e kryeministrit Milo Gjukanoviç.
“Ekzistojnë dyshime të bazuara se nga fillimi i tetorit, në Serbi dhe Mal të Zi është formuar organizatë kriminale me qëllim të ndikimit mbi pushtetin ligjvënës dhe ekzekutiv në Mal të Zi. Dyshohet se plani i kësaj organizate ka qenë që në kohën e shpalljes së rezultateve të zgjedhjeve parlamentare, me përdorim të armëve t’i sulmojnë qytetarët e tubuar para Kuvendit të Malit të Zi dhe nëpunësit e Drejtorisë së Policisë, e pastaj të pushtojnë hapësirat e Kuvendit, me qëllim që të shpallin fitoren zgjedhore të partive të caktuara politike”.
Gjithashtu, më tej në komunikatë thuhet që “dyshohet se plani i organizatës kriminale ka qenë privimi nga liria i kryeministrit të Malit të Zi”.
Sipas Prokurorisë, organizatori i grupit, ish-drejtori i Xhandarmërisë serbe, Branisllav Dikiç, të shtunën herët në mëngjes ka ardhur në Mal të Zi me qëllim të realizimit të mëtejshëm të planit kriminal dhe komandimit me personat e armatosur me qëllim të pushtimit të Kuvendit dhe institucioneve tjera shtetërore. /tesheshi.com/
