Përplasja mes qeverisë së Kosovës dhe Beogradit për çështjen e librave ka lënë pa mësim rreth 15 mijë nxënës shqiptarë në Preshevë. Mediat serbe kanë bërë të ditur se Kosova ka ndaluar në doganë kalimin e librave për serbët e Kosovës dhe kështu ata kanë ndaluar librat shqip drejt Preshevës.
Megjithatë mësuesit e shkollave serbe në Kosovë kanë bërë të ditur se janë marrë masat që nxënësit të furnizohen me librat e duhura.
Ndërkohë mësohet se në Preshevë ende nuk kanë arritur librat megjthëse shkolla ka një muaj që ka filluar.
Millorad Jovanoviç, drejtor i Shkollës Fillore “Sveti Sava” në Mitrovicë, theksoi për gazetën Novosto se “ne kemi marrë përsipër administrimin e shkollës, si dhe të gjitha shkollat e tjera në Kosovë. Kanë qenë prindërit që kanë arritur të furnizojnë fëmijët me tekste.
Që prej ditës së shtunë, sy kamionë të mbushur me tekste shkollore në gjuhen shqipe, janë bllokuar në kufirin me Preshevën. Ministri i Arsimit, Shkencës dhe Teknologjisë, Arsim Bajrami, më 10 shtator kishte bërë të ditur se MAShT-i ka filluar bashkëpunimin me ministrin e Arsimit të Serbisë, lidhur me tekstet shkollore për nxënësit shqiptarë që jetojnë në Preshevë, Medvegjë dhe Bujanoc. Në këmbim do të lejoheshin tekste të Serbisë për në zonat ku jeton dhe shkollohet komuniteti serb.
Bajrami pati thënë se tekstet janë me kurikulë të re dhe absolutisht as nuk kanë gjuhë të urrejtjes, nuk kanë as përmbajtje ideologjike, janë tekstet të reja”, tha ministri. Por një kërkesë e tillë s’ka gjetur mirëkuptim.
“Bajrami shtoi se kërkesa i ka ardhur prej qeverisë serbe që të lejohen librat serbë të shpërndahen në Kosovë. Për shkak të këtij bllokimi nga ana e autoriteteve serbe, ministri tha se si rrjedhojë ka urdhëruar të gjitha doganat e Kosovës që asnjë libër serb nuk guxon të kalojë kufirin. /tesheshi.com/
