Sipas mediave serbe, referuar atyre boshnjake, përfaqësuesi i Repubika Srpskas në Bosnje, Milorad Dodik i ka thënë presidentit të Kosovës Hashim Thaçit, që të mos e përmend më Republika Srpskan (RS), me të cilin udhëhiqet etniteti serb në Bosnje.
Duke reaguar ndaj Thaçit i cili tha se “nuk e do një Republika Srpska në Kosovë”, Dodik i tha Thaçit që të ndaloj së përmenduri krahinën që e udhëheq ai.
Në samitin e Brdo-Brijunit që u mbajt në Tiranë, ai tha se RS-ja është një kategori kushtetuese e dalë nga marrëveshja e Dejtonit.
“Mos e përmend RS-në. Nëse keni nevojë, po ua tregoj, RS-ja nuk ka asnjë pretendim territorial mbi Kosovën. Fundja, Kosova është Serbi,” i tha Dodik Thaçit.
Po dje, presidenti Thaçi anuloi drekën që ishte organizuar në fund të samitit, dhe arsyeja për këtë raportohet të jetë pikërisht prezenca e Dodik. /tesheshi.com/
