Qarqe të rëndësishme serbe kanë bërë të ditur se situata në Kosovë ka marrë një ndryshim me 180 gradë. Analitikja pro-opozitare, Danas thekson se Beogradi, me politikën e tij ekstreme ka sjellë që Thaçi, nga i padëshiruar të kthehet në një zgjidhje për Perëndimin si presidentit i Kosovës.
Dhe në fakt, një tezë të tillë e jep edhe analist i njohur serb, gjatë një shkrimi të gazetës ruse Komersant.
Danas thekson se Bruseli ka ofruar liberalizimin e vizave për qytetarët e Kosovës, në mënyrë që të ketë një zgjidhje jo-traumatike.
Në disa komente, mediat e moderuara serbe fajësojnë Beogradin pse nuk është bërë faktor në zgjedhjen e presidentit të Kosovës, në mënyrë që serbët e Kosovës të kishin rolin e tyre dhe të dilnin me një marrëveshje.
Së shpejti, pritet të vijë në Prishtinë komisioneri i Bashkimit Europian për Zgjerimin, Johanes Hahn i cili do të përcaktojë datën e liberalizimit dhe do të shpallë Thaçin si kandidatin e preferuar për president.
Vetë kreu i Kuvendit të Kosovës, Kadri Veseli, deklaroi nga kryeqendra e Bashkimit Europian se “ekziston një frymë shumë pozitive e vlerësimit të Kosovës për çështjen e liberalizmit të vizave. Isha shumë i gëzuar kur u përmend fakti se Kosova ka ulur aq shumë numrin e refugjatëve dhe në të njëjtën kohë ka plotësuar pothuajse të gjitha kriteret teknike. Faktikisht rruga për Kosovës është e hapur në vendimmarrjen e vendeve të BE-së për liberalizmin e vizave, tani është çështje teknike. Nga vendimmarrja politike që vjen nga ministrat e brendshëm të vendeve të BE-së. Unë shpresoj dhe besoj se shumë shpejtë qytetarët do të lëvizin lirshëm, ashtu siç e kanë merituar drejt BE-së pa viza”. /tesheshi.com/
