Edhe pse paraprakisht lideri i PD-së Lulzim Basha dha “Ok”-in për reformën në drejtësi, Partia Demokratike ende nuk ka miratuar draftin në komisionin e reformës.
Si pasojë, Parlamenti nuk është mbledhur ende dhe ambasadorëve po ju ikën durimi.
Zyrtarisht PD-ja thekson se anëtarët e saj në Komisionin e Reformës po lexojnë draftin, ndërkohë që mediat pranë Berishës akuzojnë Fatmir Xhafën se po pengon reformën, pasi ka shtuar në draft një pikë që punëson kunatin e tij.
Një media pranë Berishës thekson se Sokol Sadushi mund të zgjidhet në organet e drejtësisë, ndërkohë që është anëtar i grupit të eksperteve.
Kjo media thekson se Sokol Sadushi është kunati i Fatmir Xhafës, gjë që në fakt nuk është e vërtetë, është një ngatërresë e qëllimtë apo jo nuk dihet, pasi Sokol Berberi është kunati i Xhafës që është anëtar i Gjykatës Kushtetuese, e jo Sadushi si ish-anëtar i saj.
/tesheshi.com/
