Sipas një raporti të fundit të Amnesty International, sulmet ajrore ruse në Siri shkaktuan shkatërrime masive në zonat e banuara nga civilët.
Sipas VVorldbuletine, sulmet ruse të drejtuar nga grupimit opozitar sirian Jaysh Al-Islam tregojnë se prioritet i Rusisë në Siri nuk është ISIS.
Në të kundërtën, sulmet ruse janë përqendruar në grupet anti-ISIS që janë opozitare ndaj Bashal Al Asad.
Rusia vazhdon me intensitet bombardimet mbi grupet e opozitës dhe civilëve që jetojnë në zonat e administruara nga opozita, nën pretekstin e “luftës kundër terrorizmit”.
Që nga 30 shtatori, kur Rusia filloi sulmet ajrore në Siri, Turqia dhe një numër i vendeve perëndimore kanë paralajmëruar Rusinë se në shënjestrën e Moskës duhet të jetë ISIS e jo opozita.
Kremlini, nga ana e tij, pretendoi se sulmet kishin për si target ISIS.
Presidenti rus Vladimir Putin tha në fillim të fushatës së bombardimet ruse do të mbështesin nga ajri Ushtrinë e Lirë Siriane në luftën e saj kundër ISIS.
Në kundërshtim me pretendimet e Rusisë, një numër i grupeve siriane, duke përfshirë veriun e vendit, në Aleppo, ku ndodhet një bazë e frontit el-Sham dhe disa trupa turkmene, kanë qenë që në fillim shënjestra e tyre.
Objektivi më i fundit rus ishte Jaysh al-Islam, grupi më i madh i opozitës Sirisë, me bazë në Damask.
Më 25 dhjetor, Zahran Alloush, një komandant i lartë i grupit, u vra në një sulm ajror rus. Burimet lokale thanë se zhurma e një aeroplani nuk u dëgjua para sulmit dhe është e mundur që sulmi ajror ka nisur nga një lartësi e madhe.
Agjencia ruse Sputnik bëri të ditur se sulmi është kryer nga avionët luftarakë rusë, por as Kremlini as regjimi i Asadit nuk e ka konfirmuar raportin.
Jaysh al-Islam, që do të thotë Ushtria e Islamit, është një koalicion me bazë në Damask i formuar në vitin 2013 nga Zahran Alloush, i cili kishte themeluar më parë Livva al-Islam, bazë primare e së cilës ishte lagjja e Damaskut, Ghouta Lindore.
Në vitin 2013, me Livva al-Islam u bashkuan 49 fraksione të tjera të vogla për të formuar Jaysh al-Islam. Grupi ishte bashkimi më dominues dhe më mirë i pajisur ushtarakisht rreth Damaskut me rreth 9.000 luftëtarë.
Duke pasur marrëdhënie të ngushta me Arabinë Saudite, Jaysh al-Islam ka deklaruar se ata duan të krijojnë një shtet islamik në Siri.
Grupi gjithashtu nuk pranoi të bashkohet me Këshillin Kombëtar të Sirisë në vitin 2013 dhe ka shprehur kundërshtimin e saj për planin e një konference ndërkombëtare të paqes në konfliktin sirian në Gjenevë.
Nga ana tjetër, grupi u bashkua me një konferencë që solli më shumë se 100 figura të opozitës së bashku në kryeqytetin saudit, Riad në dhjetor, ku u nënshkrua deklarata përfundimtare e takimit.
Dy ditë pas këtij takimi, Zahran Alloush u vra, dhe zëdhënësi i grupit njoftoi se ata ishin të hapur për një zgjidhje politike.
Në të njëjtën kohë, grupi ka qenë kritikuar për kufizimin e operacioneve të grupeve të tjera të opozitës në Damask, Ghouta Lindore dhe Douma.
Jaysh al-Islam ka luftuar kundër ISIS dhe regjimit të Asadit në Damask, Douma, Ghouta Lindore dhe në rrethin Qalamoun, zonë rurale që nga fillimi i 2015.
Përgatiti Ylli Pata – /tesheshi.com/
