Mensur Krasniqi
Në aksionin policor të policisë maqedonase nëpër lagjet e Shkupit, sipas portalit maqedonas “Kurir” bëhet fjalë për vazhdimin e operacionit “Qelia” kundër personave që janë pjesë e rrjetit të ISIS-it.
Siç raporton “Kurir” nga burime policore, në bazë të urdhërit për bastisje të shtëpive nga ana e Gjykatësit të procedurës paraprake në lidhje me veprën penale “organizim terroristë” të nenit 394 paragrafi 2 të Kodit Penal, janë kryer gjithsej shtatë bastisje nga të cilat gjashtë në Shkup dhe një në Tetovë.
Nga ajo që njoftojnë “Kurir”, gjatë bastisjeve policia ka arrestuar 4 persona edhe atë Bunjamin G., Faruk I., Ergin U. nga Shkupi dhe Mustafa M. nga Tetova, ndërsa 3 persona tjerë janë të pakapshëm, nga të cilët për 2 persona Sefet R. nga Shkupi dhe Sulelman I. nga Kumanova, ekzisojnë informata operative se për momentin ndodhen në luftime në Siri.
Ndërsa për personin Burhan S. nga fshati Haraçinë ekzistojnë informata operative se gjendet jashtë territorit të Shkupit.
Ashtu siç kanë mësuar nga “Kurir” nga bastisjet e kryera policia ka gjetur disa kompjutorë, celularë, memori kartela, CD-ja, pasaporta etj.
Rikujtojmë se ky aksion policor ka filluar që nga orët e hershme të mëngjesit nëpër lagjet e Shkupit të banuara kryesisht me shqiptarë dhe myslimanë.
Ndryshe deri tani nga aksioni “Qelia” janë dënuar 6 persona me nga 5 vite burg, dhe hoxha i njohur nga Shkupi Rexhep Memishi me 7 vite burg nën akuzën për pjesëmarrje dhe organizimin e regrutimit të ushtarëve për në luftë në Siri.
/tesheshi.com/
