Marrëveshja për demarkacionin, e negociuar që në vitin 2009 me Kosovën, pritet të nënshkruhet gjatë samitit të Vjenës, më 27 Gusht, njoftojnë mediat malazeze.
Gazeta Vijesti citon burime qeveritare kur shkruan se kufiri i Malit të Zi me Kosovën do të jetë ai i vitit 1974. Marrëveshje demarkacioni pritet në nënshkruhet edhe me Bosnje-Hercegovinën.
Gazeta në shkrimin e saj, thotë se vendndodhjet Kulla afër Rozhajës dhe Gryka e Rugovës poshtë Çakorrit ku ndodhen stanet e shqiptarëve, sipas marrëveshjes do të mbeten brenda territorit të Malit të Zi.
Gazeta e Malit të Zi “Vijesti” ka cituar Qeverinë e Kosovës duke thënë se marrëveshja për kufirin është në pajtim me Kushtetutën e vitit 1974.
Raporti për marrëveshjen e Demarkacionit u miratua nga qeveria në Prishtinë, pavarësisht protestës dhe një letre publike të Ramush Haradinajt, që akuzonte për afera në përcaktimin e kufijve. Ai pretendon se Kosovës i janë marrë 12 mijë hektarë, të cilat me kadastër i takojnë komunës së Pejës. /tesheshi.com/
