Lionel Messi me shokë zhgënjyen në përballje me Venezuelën. Argjentina barazoi me rezultatin 1:1 në ndeshjen e 16-të të kualifikimeve për Botërorin “Rusia 2018”, grupi i Amerikës së Jugut.
“Lojtari më i mirë në botë nuk mund të jetë thjesht një numër në fushë. Messi nuk mund të luajë në një nivel kaq të ulët. Mungesa e lojtarëve të tjerë që flasin gjuhën e tij futbollistike në fushë nuk i heq përgjegjësitë”, shkruan mes të tjera “Ole”.
Argjentina aktualisht është në vend të pestë me 24 pikë, por rrezikon edhe mos të kualifikohet, kur kanë mbetur edhe dy takime deri në fund të kësaj faze. /tesheshi.com/
