Një nga mediat e njohura të jugut të Italisë ka publikuar një shkrim të gjatë mbi arrestimin në Siçili të një grupi italo-shqiptar të trafikimit të hashashit dhe armëve drejt ishullit më të madh italian ku dhe ka shtrirjen një prej mafieve më të fuqishme të botës.
Mes të arrestuarve, që tashmë po futet në përditshmërinë e fjalorit politik të Tiranës, është dhe Moisi Habilaj, një prej habilajve që opozita i lidh, në rrugë gjaku apo veprimtarish të paligjshme, me ish-kreun e Rendit, Sajmir Tahiri, meqë automjeti i këtij të fundit i ç’paregjistruar, iu kap të dyshuarve këtu e pak vite më parë.
Sipas meridionews, Moisi Habilaj, i arrestuar nga policia italiane ndiqej prej më shumë se një viti për trafikun e drogës dhe përgjohej vazhdimisht, ndërkohë që njëri prej anëtarëve italianë të grupit ishte bashkëpunëtor i drejtësisë italiane.
Meridionews bën të ditur ndër të tjera se grupi ka menaxhuar një sasi të tillë droge në zonën e Catania-s që xhironte një xhiro deri në 20 milionë euro.
Gazeta në fjalë flet edhe për akuzat e opozitës shqiptare ndaj ish-ministrit të Brendshëm shqiptar, Sajmir Tahiri, i cili i ka shitur Moisiu Habilajt makinën e tij Audi, me të cilën më vonë janë transportuar sasira të konsiderueshme droge.
Sipas meridionews, ka përgjime ambientale që tregojnë lidhjet e Habilajt me drejtues të policisë, por ndër të tjera gazeta bën të ditur se operacioni nuk d otë kishte pasur sukses pa bashkëpunimin e palës shqiptare.
Sipas saj, i gjithë operacioni është mbajtur i fshehtë dhe i është lënë të kuptohet Habilajt që ai është i fortë dhe i paprekshëm, ku në fakt po përgatitej gracka ndaj tij dhe ku rezultati erdhi ditën e djeshme.
Ndërkohë, kreu i PD-së Lulzim Basha menjëherë ka tentuar ta shfrytëzojë politikisht rastin duke kërkuar arrestimin e Sajmir Tahirit, pasi sipas Bashës, Edi Rama i ka në tavolinë provat e implikimit. /tesheshi.com/
