“Ballkani në një mjegull të padepërtueshme”, thuhet në portalin e shërbimit publik gjerman.
Neue Zürcher Zeitung shkruan për “smogun e dimrit”, ndërsa portali austriak Heute shkruan për “Ajrin e trashë, toksik”, raporton Deutsche Welle.
“Qytetet të mëdha në Ballkan si Beogradi, Sarajeva ose Shkupi, kanë probleme me ndotjen në dimër”, thuhet në to, duke iu referuar më pas një studimi të Programit të Kombeve të Bashkuara për Mjedisin, ku thuhet se cilësia e keqe e ajrit është përgjegjëse për 5,000 vdekje në vit në 19 qytetet kryesore të Ballkanit.
Portali austriak Heute shkruan se jo vetëm trafiku dhe termocentralet duhet të fajësohen për ndotjen, por gjithashtu “fakti që rreth 60 përqind e popullsisë është ende duke djegur qymyr ose dru.”
Sipas aplikacionit Air Visual, qytete si Beogradi, Sarajeva dhe Shkupi janë mes dhjetë më të ndoturve në botë.
Neue Zürcher Zeitung i Zvicrës raporton se protesta kanë ndodhur në Beograd, porse Presidenti Aleksandar Vuçiç po zvogëlon problemin. Ai tha se kishte ndotje, por kishte edhe një fushatë paniku që ishte “ndonjëherë groteske”.
“Kosova gjithashtu shfaqet e ndotur rregullisht në dimër”, shton gazeta zvicerane. /tesheshi.com/
