Ka qenë një provokacion tronditës i Moskës intervista e kryeministrit malazez, Milo Gjukanoviç për një televiziion rus, i cili është një medie që përdoret kryesisht për propogandë nga qarqet e shërbimeve sekrete.
Bëhet fjalë për televizionin Dozhd, i cili e ka pyetur Gjukanoviçin se “a prisni që forcat speciale që pushtuan Krimenë të bëjnë të njëjtën gjë me Malin e Zi nëse pranohet në NATO?”
Kryeministri malazez nuk është kapur i papërgatitur por i është përgjigjur me qetësi: “Sinqerisht shpresoj që jo”. Por gjithsesi kjo ka sjellë një tronditje në opinionin publik të republikës së vogël ballkanike, i cili është e ndarë me thikë: një krah me Perëndimin dhe një krah me Moskën.
Gjukanoviç, tha për televizionin rus se “pres që të anëtarësohemi me të drejta të plota në NATO në mesin e vitit 2017. Anëtarësimi ynë nuk i bën fare dëm Rusisë, por kuntribuon për paqen në rajon”.
Ndërkaq, ai ka qenë mjaft kritik ndaj Moskës kur ka deklaruar se “politika ruse ka nxitur protestat anti-NATO të opozitës malazeze.”
“Forcat politike të opozitës e paraqitën veten jo thjesht si proruse, por ata ishin të pasinqerta dhe mashtruese me publikun”, tha Gjukanoviç.
Kryeministri malazez vazhdoi më tej se duke thënë këto forca politike që mbështet Moska janë kundërshtarët e shtetit malazez, pasi në referendumin e 18 qershorit 2006 ato votuan “kundër” ndarjes me Serbinë.
Përgatiti: Ylli Pata – /tesheshi.com/
