Një ditë pas vendimit në mbledhjen e qeverisë për amnistinë e armëve të zjarrit, mediat e huaja i kanë bërë jehonë këtij lajmi që vjen nga Shqipëria.
Me titullin “Shqipëria u ofron amnisti për 4 muaj armëmbajtësve”, është shkruar lajmi në një nga mediat më prestigjoze në botë, siç është Associated Press, dedikuar njoftimit të ministrit të Brendshëm, Saimir Tahiri se kush dorëzon armët vullnetarisht deri më datë 30 prill të vitit të ardhshëm, do t’i shpëtojë ndjekjes penale.
Sipas Associated Press, armëmbajtja pa leje mund të dënohet deri me 15 vite burg, por armët e vjetra kallashnikovë dhe pistoletat e reja të blera në Europë janë gjerësisht të përdorura në krime brenda familjes, vrasje me motiv gjakmarrjen, etj.
“Në vitin 1997 shqiptarët të cilët humbën kursimet e një jete në firma piramidale plaçkitën qindra mijëra armë të vogla dhe municione të lehta nga depot e ushtrisë” shkruan AP.
Personat duhet të njoftojnë policinë nëse duan të bëjnë një dorëzim vullnetar të armës, brenda një afati 4 mujor. Pjesa më e madhe e armëve ranë në duart e shqiptarëve që në vitin e trazirave të 1997-ës, kur u thyen depot ushtarake./tesheshi.com/
