Sekretari i Përgjithshëm i Presidentit të Serbisë, Nikola Selakoviç tha se Aleksandar Vuçiç me përfaqësuesit e serbëve nga rajoni diskutuan për miratimin e një deklarate të përbashkët të Republikës së Serbisë dhe Republikës Serbe në Bosnje, lidhur me aktivitetet e mëtejshme për mbijetesën e kombit serb dhe popullit serb, shkruan sot portali boshnjak Saff.ba.
“Ne do të punojmë me zell për më shumë se tre muaj, dhe nga data 25 apo 26 nëntor ne do të dalim me një deklaratë dhe programin tonë kombëtar”, tha Selakoviç për RTS.
Njoftimi se Serbia dhe Republika Serbe miratuan një deklaratë të përbashkët lidhur me aktivitetet e domosdoshme për mbijetesën e kombit dhe popullit serb mjaftoi për të ndezuar alarmin te boshnjakët. Herën e fundit kur serbët përpiluan programe të ngjashme për mbijetesën e kombit të tyre, boshnjakët paguan një çmim të lartë për këtë, vazhdon më tej portali boshnjak.
Kujtojmë se Memorandumi gjenocidal SANU, i cili kishte të njëjtin objektiv për të cilin po përpiqet tani Aleksandar Vuçiç (Memorandumi vë theksin në “integritetin” e popullit serb). Kur serbët flasin ose planifikojnë për të siguruar ekzistencën e kombit serb dhe popullit serb, kjo gjithmonë nënkupton ushtrimin e një koncepti hegjemonist serbomadh. Prandaj, edhe Vuçiç ka planifikuar që Serbia bashkë me Republikën serbe të Bosnjes të miratojnë një deklaratë të përbashkët për mbijetesën e popullit serb.
Portali e mbyll shkrimin me një pyetje ironike: “boshnjakë, po fleni të qetë, po?” /tesheshi.com/
