Një foto bardh e zi e Nison alias Max Miller shoqëron një vendim të qeverisë amerikane të14 nëntor 1932, pas aplikimit të tij për të marrë shtetësinë e SHBA.
Nën foto është shkruar arsyeja për mohimin e dhënies së shtetësisë: injoranca.
Nison Miller është stërgjyshi i këshilltarit më të rëndësishëm të Shtëpisë së Bardhë, Stephen Miller, i cili është një nga krerët e arkitektëve të politikës emigratore të Trump dhe njeriu që vendosi për ndarjen e fëmijëve nga prindërit, çka tronditi opunionin publik mbarëbotëror.
Ky dokument 85-vjeçar është vetëm një grimë e municionit në një fushatë që është duke u zhvilluar nga grupe shoqërore të cilat mbështesin bashkimin familjar të mijëra familjeve emigrante.
Ata po kërkojnë parardhësit e figurave publike në qeveri për të treguar shembullin, atë se ç’farë ka bërë Amerika në vite e vite larg për të mos ndarë familjet, edhe pse ka pasur njerëz pa dokumentet e duhura.
“Nëse etërit tuaj hynë në me një anije skllevërish dhe u bënë qytetarë amerikanë, ne mund t’i kthehemi qytetërimit tonë me rastin e fëmijëve”, tha Jennifer Mendelsohn, e cila krijoi resistancegenealogy, organizatën që po mban peshën e reagimit popullor të nisur prej verës së kaluar, kur kongresmeni republikan Steve King nga Iowa u citua të ketë thënë se “Ne nuk mund të rivendosim qytetërimin tonë me foshnjat e dikujt tjetër”.
Pas kësaj u publikuan dokumentet që zbulonin se gjyshja e King ishte një fëmijë i tillë, pasi ka arritur në vitin 1894 nga Gjermania si një 4-vjeçare, së bashku me vëllezërit e motrat e saj të mitura.
“Çështja nuk është ne nuk po bëjmë gjueti shtrigash, por thjesht duam të tregojmë se jemi një popull emigrantësh”, tha kreu i komunitetit hebre të Staten Islandit, Renee Steinig Stern.
Pikërisht ai për herë të parë gjeti aplikimin e gjyshit të këshilltarit të Trump.
Ai ndoshta nuk u tregua i kujdesshëm në publikimin e motivimit të mohimit të shtetësisë ku shkruhej “injorant”.
Por shpjegon Stern, “gjyshi Millerit rrëshqiti në disa pyetje të testit të shtetësisë, jo sepse ishte budalla ose i padenjë për të qenë një qytetar, por tregon se sa e gabuar është kur mbahen qëndrime të ngurta nga zyrtarët e shtetit”.
Një shembull i njëjtë e i ashpër po përdoret sot. Gjyshi i Millerit ribëri testin pas një kohe të shkurtër dhe u bë qytetar amerikan. Nipi i tij është sot këshilltar i Presidentit, por po vepron më keq se ç’ja bënë gjyshit të tij.
Dhe nuk mbaron me kaq.
Avokati E. Randol Schoenberg, njihet për rastin e bujshëm ku detyroi qeverinë austriake për t’i kthyer një pikturë të kushtueshme një familje hebreje, së cilës ja kishin vjedhur nazistët. Ky rast u ekranizua në filmin “Gruaja e artë”.
Schoenberg ka zhvilluar një ekspertizë në gjetjen historive familjare për rastin e emigrantëve.
Ai ka kërkuar rrënjët e nënës së Millerit.
Stërgjyshi nga nëna i këshilltarit të Trump, Wolf Glotzer dhe gruaja e tij, Bessie erdhën nga Ukraina në vitin 1903 me vetëm 8 dollarë me vetë për t’i ikur masakrave të Carit ndaj hebrenjve.
Ata u bashkuan me djalin e tyre Nathan dhe vëllain Moisi, i cili më pas ndryshoi emrin dhe e bëri Sam si xhaxha Sami që i thërrasin Amerikës.
“E gjitha kjo tregon se në SHBA në të vërtetë çdo gjë është e mundur: Stërnipi i një refugjati të dëshpëruar mund të rritet deri në krye të pushtetit dhe të përdorë demagogjinë ndaj refugjatëve të dëshpëruar, që janë në të njëjta kushte si stërgjyshi i tij”, tha avokati i njohur për Yahoo News.
Me përjashtim të Aktit Përjashtimit të kinezëve, kur u ndalua i gjithë emigracioni nga vendi i madh aziatik me argumentin se punëtorët nga Kina nuk janë të nevojshëm për të ndërtuar hekurudhat e SHBA, i gjithë emigracioni ishte i ligjshëm në Amerikë për 300 vitet e para.
Pra, pothuajse të gjithë ata që erdhën gjatë atyre shekujve janë futur dhe janë bërë shtetas.
Deri në fillim të viteve 1920, kushdo mund të hipte në anije dhe të vinte në Amerikë për të jetuar e punuar.
Por Tomi Lahr, një analist i së djathtës në Fox News deklaroi se: “Ne jemi me të vërtetë një komb i emigrantëve por jemi edhe një komb i ligjeve. Respektoni ligjet tona dhe ne ju mirëpresim”.
E nga ana tjetër, shoqata që ka marrë në mbrojtje refugjatët tregojnë se gjyshi i tij shkeli ligjin duke falsifikuar letrat për tu bërë shtetas amerikan.
“Është befasuese se sa prej njerëzve që janë kundër emigracionit janë djem a nipa, ose stërnipër të emigrantëve. Ne duhet të punojmë shumë më shumë për këto histori, t’i publikojmë për të treguar të vërtetën”, thotë Megan Smolenyak, një historiane, gazetare por edhe veprimtare civile në mbrojtje të refugjatëve. /tesheshi.com/
