Mediat amerikane kanë shqyrtuar me kujdes një mesazh të ardhur nga ana e agjencisë së ISIS mbi mundësinë që atentatori i Las Vegasit të jetë “një ujk i vetmuar” i organizatës terroriste.
Siç bën të ditur New York Times mesazhi i lëshuar nga portal Amaq duket shumë i dyshimtë, pasi përgjithësisht ushtarët e ISIS përpara se të kryejnë akte terroriste kanë postuar në internet një video ku shpjegon akti përpara vetëvrasjes dhe më pas shpallen dëshmorë.
ISIS, përveç Europës kishte kërcënuar që të sulmojë SHBA-në dhe ka marrë përsipër katastrofat e San Bernardos por edhe atë në lokalin e Gay-ve në Orlando të Floridas ku një somalez vrau 49 vetë.
FBI apo CIA deri tani nuk kanë gjetur asnjë lidhje mes pensionistit Padock, i cili ishte një kumarxhi i regjur dhe ISIS.
Duket se dy tre ngjarjet e fundit rivendikimi i ISIS-it për të marrë përsipër disa ngjarje të rënda kriminale, si ajo e Marsejës javën e shkuar por edhe katastrofën e Las Vegasit, po shikohen më shumë si një lojë e organizatës terroriste për të shpikur ushtarë edhe aty ku nuk ka.
Në rastet e tjera, si masakra e Nisës apo edhe ngjarjet e Parisit, ISIS kishte materiale të plotë për personat që shpalli dëshmorë duke shpërndarë edhe video në internet.
Por New York Times, duke iu referuar disa të dhënave nga shërbimet sekrete mendon se që nga Nisa e këtej, njerëzit që kanë kryer akte terroriste janë kryesisht persona me precedentë të tmerrshëm penalë dhe në asnjë mënyrë brenda një kuadri që ISIS propagandon ushtarët e saj.
Kështu, ndërsa atentatori i Nisës ishte një person që nuk ndiqte aspak besimin fetar por konsumonte alkool dhe kryente vjedhje, atentatori i Orlando-s ishte një frekuentues i rregullt i lokaleve Gay përpara se të hynte aty dhe të vriste 49 vetë.
Ndërkohë Stephen Paddock ishte një person me probleme me bixhozin dhe i fitonte lekët pikërisht nga kumari. Ishte i biri i një personi të rrezikshëm për shoqërinë, një psikopat vrasës dhe ishte lënë lirshëm të blente online 10 armë automatike që i ngjiti në dhomën e hotelit ku kreu masakrën qetë-qetë pa i hyrë ndonjë gjëmb në këmbë.
Mediat amerikane theksojnë se ka shumë pikëpyetje mbi ngjarjen dhe se nuk korespondojnë shumë gjëra, në radhë të parë lidhjet me organizatat terroriste, lënien e lirë të 64-vjeçarit që të blejë një dyzinë me armë luftarake dhe municion me shumicë, por edhe mënyra e hyrjes në hotel, dhe më pas masat shumë po shumë të brishta të sigurisë për një koncert masiv.
Protokolli i masave të sigurisë detyrojnë që trupa speciale duhet të zënë lartësitë piëkrisht për të parandaluar ndonjë akt nga ndërtesat e larta, por kjo nuk ndodhi.
FBI pritet që të nxjerrë një raport të plotë për situatën që pritet ta dërgojë përveçse tek Presidenti Donald Trump, edhe në Kongres. /tesheshi.com/
