Sekretari i Shtetit Pompeo ishte iniciatori i vendimit të Presidentit Donald Trump për të aprovuar një sulm ndaj gjeneralit iranian Qassem Soleimani, raportoi CNN, ndërsa The New Yok Times raportoi se drejtorja e Agjencisë Qendrore të Inteligjencës (CIA) Gina Haspel ishte pas saj.
Burimet thonë se sulmi ndaj trupave pro-iraniane në Irak ishte një veprim që tregoi statusin e Pompeos si zyrtari më me ndikim i sigurisë kombëtare në Uashington.
Heqja ekokës së njësisë elitare të Gardës Revolucionare “nga fusha e betejës” ka qenë qëllimi i diplomatit të lartë amerikan për një dekadë – tha një zyrtar pa emër për CNN, referuar Pompeos.
Mediat amerikane, duke përmendur burime të afërta me Pompeos, më tej deklarojnë se gjatë karrierës së tij, Sekretari i Shtetit besonte se Irani ishte në rrënjën e të gjitha problemeve në Lindjen e Mesme dhe u përqëndrua te Soleimani, “komandanti hije”.
Si ish i diplomuar në West Point, i cili ka ende shumë miq në ushtri në Lindjen e Mesme, Pompeo ishte i bindur se Soleimani ishte fajtor për vdekjen e qindra trupave amerikane, si dhe ishte arkitekti i operacioneve ushtarake iraniane në Irak dhe Siri.
Një burim thotë se Pompeo ka deklaruar më parë se ai “nuk do të tërhiqet nga shërbimi publik derisa Soleimani të zhduket nga fusha e betejës”.
Pasi deklaroi se nuk do të kandidojë për senatorin në Kansas, është pothuajse e sigurt që Pompeo do të vazhdojë të mbajë detyra në administratën Trump, i cili, sipas CNN, renditet si “Sekretar i Shtetit, Sekretar i Mbrojtjes dhe drejtor i CIA”.
Sidoqoftë, NYT raporton se një personalitet tjetër ndikoi në vendimin e Trump, duke parashikuar plotësisht reagimin e Iranit.
Gruaja që drejton CIA-n tha që kërcënimi i paraqitur nga gjenerali iranian ishte më i madh se kërcënimi nga reagimi i Iranit nëse ai vritet, sipas burimeve të administratës amerikane.
Gina Haspel raportohet të ketë parashikuar efektin e raketave ndaj trupave amerikane në Irak si reagimi më i dukshëm i Iranit, i cili ndodhi të mërkurën.
Gazeta deklaron se ajo ka patur zyrtarisht një qëndrim nëse Soleimani duhej të vritej, porse analiza e saj është interpretuar si bindëse që likuidimi do të forconte më shumë sesa të dobësonte pozicionet amerikane dhe sigurinë në Lindjen e Mesme.
Një vlerësim i mirë nga inteligjenca amerikane kontribuoi që raketat të shkatërronin hangarë bosh, kështu që nuk pati asnjë ushtar amerikan ose irakianë të vrarë, raporton NYT. /tesheshi.com/
