Ish-zv/kancelari austriak Heinz-Christian Strache, njeriu që u bë shkak pas një videoskandali për rrëzimin e qeverisë së Sebastian Kurz, të njohur të dy si ekstremistë të djathtë, mesa duket ka qenë nën ndikimin e nacionalistëve ekstremë në Serbi për një kohë të gjatë, me të cilët i ka lidhur urrejtja ndaj muslimanëve, sipas të përditshmes së Vjenës, Standard.
Kjo e fundit, Standart, e ka kritikuar shpesh ish-kreun FPO-së për afeksionin e tij ndaj serbëve, që kur u shfaq në një video të regjistruar fshehtazi në Ibiza përcillte konsiderata për Arkanin famëkeq të çetnikëve serbë.
Gazeta vëren se Strache e admiron qartë Arkanin, “kriminelin serb të luftrave” dhe se atë e lidh më ekstremistët në Ballkan urrejtja ndaj muslimanëve.
Gazeta kujton se Strache ishte në koncertin e vejushës së Arkanit, Svetlana Raznatoviç – Ceca, në Vjenë në 2013 dhe se media serbe raportoi se ai njihej për “admirimin e tij të madh” për serbët.
Sonja Biserko, presidente e Komitetit të Helsinkit në Serbi, beson se qëndrimet e Strache janë në favor të një qeverie serbe që po përpiqet të ndryshojë historinë dhe nuk ka hequr dorë kurrë nga nacionalizmi.
“Arkani ishte një kriminel lufte”, tha ajo, duke shtuar se politikanët ekstremë në Ballkan mbështeten dhe nga politikanë të BE-së.
Por një zëdhënës pa emër për Komisionin Evropian tha se pikëpamjet e BE-së ishin të njohura dhe se Strache qartë nuk e dinte kush ishte Arkan.
Por Standard vazhdoi të thotë se që në vitet 1970 dhe 1980, Arkan kërkohej në Evropën Perëndimore për vjedhje dhe vrasje dhe se ai ishte një person i konsideruar si jashtëzakonisht i rrezikshëm.
Gjatë luftës, thekson Standard, Arkan me “Tigrat” e tij plaçkitën dhe dëbuan njerëz, i vranë dhe i dhunuan.
Standard kujton dhe një intervistë me Politika-n në të cilën Strache tha se Kosova ishte pjesë e Serbisë, e cila është në kundërshtim me pozicionin e qeverisë austriake, por në përputhje me atë të serbëve. /tesheshi.com/
