Saed Abu Nabhan, një kameraman i pavarur për Anadolu Agency në Gaza, u vra në një sulm të ushtrisë izraelite me një armë me tytë të gjatë.
Të premten, ushtria izraelite rrethoi një zonë ku një numër i madh gazetarësh ndodheshin në kampin e refugjatëve Al-Jadeed në rajonin Nussairat në Rripin qendror të Gazës dhe më pas hapi zjarr ndaj tyre.
Pamjet tregojnë punonjësit e ndihmës duke bartur një të plagosur nga shtëpia. Ebu Nahbani, i cili ishte afër dhe po i shikonte ngjarjet, u përpoq të gjente një mburrojë.
Ebu Nahban u godit nga një armë me tytë të gjatë dhe ra në tokë, duke mbetur i palëvizur. Njerëzit aty pranë nuk mundën t’i afroheshin menjëherë nga frika e zjarrit izraelit.
Agjencia zyrtare palestineze e lajmeve WAFA tha se Abu Nabhan u vra në sulm. Ai ishte i martuar dhe baba i një fëmije.
Abu Nabhan është gazetari i 203-të i vrarë në sulmet izraelite në Rripin e Gazës që nga 7 tetori 2023.
Të paktën 46,006 palestinezë janë vrarë në sulmet izraelite deri më tani, duke përfshirë 17,841 fëmijë dhe 12,298 gra, dhe 109,378 njerëz janë plagosur. /tesheshi.com/
