Ligji për Gjykatën Speciale për krime të pretenduara nga ana e pjesëtarëve të Ushtrisë Çlirimtare të Kosovës kundër civilëve, kryesisht serbë, pasi ka marrë miratimin e Kuvendit, mori një vëmendje të veçantë nga përfaqësues të politikës ndërkombëtare brenda dhe jashtë Kosovës.
Interes në pasqyrim kanë pasur edhe mediat serbe, të cilat transmetojnë se pavarësisht se Gjykata hyn në fuqi kur të dekretohet nga presidentja Jahjaga, aktakuzat e para do të ngrihen në fillim të vitit të ardhshëm.
Agjencia serbe, Tanjug i referohet përfaqësuesit special të Bashkimit Evropian në Kosovë, Samuel Zhbogar, që thotë se proceset e para do të nisin në janar.
Tanjug ka pasqyruar edhe deklaratat e gazetarit Milaim Zeka i cili ka publikuar një listë të politikanëve kosovarë, të cilët sipas tij do të gjykohen nga Gjykata Speciale. /tesheshi.com/
