Një media e ka servirur me foljen “shokon” aktin e një ish-kandidati bashkiak, atë të Kukësit, i cili ka pohuar se nuk ka pranuar një material kompromentues për rivalin e tij Safet Gjici gjatë fushatës.
Admir Sinemati i BF-së ka shpalur një moral të lartë politik e njerëzor duke thënë se “në javën e parë të fushatës më është prezantuar një qytetar, më ofroi një video komprometuese. I thashë nuk jam njeri që merrem përndjekje të personave, më tepër të rivalëve të tij. I thashë nëse ke diçka drejtohu organeve ligjzbatuese. Unë me kundërshtarin tim kam një betejë politike. Materialin që më është ofruar atëherë nuk e kam parë. Jam larg këtyre formave. Ai person që më tha për videon ishte person i panjohur për mua”.
Por për median që e ka servirur lajmin kjo është shokuese, pa e sqaruar se pse. Shokuese në kuptimin pozitiv apo negativ?
Fjala shok(trajta foljore shokuese, shokon) ka zakonisht konotacion negativ ndryshe nga befasi(befasuese, befason) e cila varësisht kontekstit kalon dhe në konotacion pozitiv.
Ndaj ajo akti i Sinematit me shumë se shokon, befason. Befason për mirë sigurisht.
Ajo që mbetet pas lajmit është shokimi që vjen nga media, mënyra e servirjes së lajmit, gati mjeran. /tesheshi.com
