Media pranë familjes Berisha pretenden se kryeparlamentarja Lindita Nikolla nuk është repektuar në takimin me Erdogan në Presidencën turke, pasi aty nuk ka qenë flamuri shqiptar.
“Nga fotot e publikuara në media u vu re një detaj aspak i këndshëm në takimin e Lindita Nikollës me Erdogan, ka ka rënë në sy mosprezenca e flamurit shqiptar në sallën ku u realizua takimi”, shkruan Syri, por pa dhënë referencat protokollare përkatëse.
“Në fotot e publikuara nga parlamenti shqiptar, shihet Lindita Nikolla duke shtrënguar dorën me Erdogan dhe pas tyre janë të vendosur dy flamuj turq, ndërsa ‘mikeshën’ duket se Erdogan nuk e ka respektuar sic ndodh gjithmonë në vizitat zyrtare”, vijon më tej media e njohur e opozitës, e rreshtuar në kahjen Berisha.
Gjithashtu, Syri pretendon se znj. Nikolla i është kërkuar me imponim që Shqipëria të marrë vaksinën turke Sinovac, edhe pse s’ka logjike që një gjë të tillë Ankaraja t’ja kërkojë kryeparlamentares, gjërsa ekziston një komunikim i drejtpëdrejtë Rama – Erdogan, pa qenë nevoja e kanaleve të tjera komunikative për çështje kaq sensitive.
“Kryetari i Asamblesë së Madhe Kombëtare të Turqisë Mustafa Şentop ka deklaruar në takimin me Nikollën se ai ka marrë vetë dozën e tretë të vaksinës turkovac, të cilën kërkon që ta shpërndajë te vendet mike, një nga të cilat sigurisht është Shqipëria.
Mirëpo kjo vaksinë nuk është e certifikuar në Europë, dhe prezenca e këtyre vaksinave në vendin tonë do të sillte problemin e hasur me Sinovac dhe me Sputnik V, që ende nuk janë të njohura nga BE, gjë e cila sjell pengesa për qytetarët”, shkruan Syri.
Ndërkohë, edhe për rastin e flamurit, nuk ka asnjë arsye logjike që Turqia “të ketë zët”nga simboli bazë shtetëror shqiptar. /tesheshi.com/
