Izraeli ka lobuar në fshehtësi në administratën Trump, me qëllimin për të bllokuar Turqinë nga blerja e avionëve luftarakë F-35, duke ruajtur kështu një avantazh të dyfishtë ushtarak në rajon, raportojnë mediat izraelite,
Izraeli i ka kërkuar Shtëpisë së Bardhë që ta dëbonte Ankaranë nga programi F-35 menjëherë pasi Presidenti turk Rexhep Tajip Erdogan miratoi blerjen e sistemit të mbrojtjes raketore S-400 të Rusisë, raportoi të enjten Channel 12 i Izraelit.
“Është bërë presion në Uashington për të anulluar shitjen e avionëve të avancuar F-35”, njoftoi Channel 12.
Turqia u pezullua nga programi F-35 në korrik të këtij viti, dhe administrata amerikane pretendon se S-400 ruse do të rrezikojë sigurinë e avionëve F-35. Turqia mohon pretendimin, duke shtuar se kishte provuar pa sukses për vite me radhë të blinte një sistem mbrojtjeje raketash Patriot nga SHBA përpara se të vendoste për blejen e S-400 nga Rusia.
Në dy vitet e fundit, Izraeli ka filluar blerjen e F-35 nga SHBA, duke e bërë atë të vetmin vend në Lindjen e Mesme që zotëron këtë lloj avionësh luftarakë.
Qeveria izraelite ka nënshkruar marrëveshje me prodhuesin amerikan Lockheed Martin për të blerë të paktën 50 avionë F-35 duke përdorur ndihmën e SHBA. /tesheshi.com/
