Gazeta izraelite Yediot Ahronot raportoi se shkencëtari iranian i vrarë ditët e fundit, Mohsen Fakhrizadeh ishte monitoruar nga shërbimi inteligjent izraelit Mossad që para vitit 2008.
Sipas gazetës, ish-kryeministri izraelit Ehud Olmert kishte një takim me Presidentin e atëhershëm të SHBA George W. Bush në prill 2008 mbi Fakhrizadeh, një figurë kryesore në programin bërthamor të Iranit.
Gjatë takimit, i cili u mbajt, siç thonë ata, në zyrën e kryeministrit izraelit në Jeruzalemin perëndimor, Olmert i tha Bushit se do ta pyeste diçka, por mos të fliste për këtë me askënd, madje as me drejtorin e Agjencisë Qendrore të Inteligjencës (CIA).
Ai pastaj i ofroi atij një regjistrim të një personi persishfolës, duke thënë se ishte Fakhrizadeh, i cili qe kreu i programit sekret ushtarak bërthamor të Iranit.
Raporti tha se Fakhrizadeh foli për armët bërthamore që Irani do të zhvillonte, të cilat ai i quajti “projekti i jetës së tij” dhe u ankua se atij iu kërkua të bënte pesë bomba bërthamore, por nuk që kishte buxhet të mjaftueshëm.
Eshtë vërejtur se gjatë takimit, Olmert i kërkoi Bushit një shkëmbim të plotë të inteligjencës dhe një operacion të përbashkët midis Izraelit dhe Shteteve të Bashkuara.
Fakhrizadeh i vrarë ishte gjithashtu kreu i Këshillit të Kërkimit dhe Inovacionit në Ministrinë Iraniane të Mbrojtjes.
Në dhjetë vitet e fundit, pesë shkencëtarë të lartë iranianë që kanë punuar në kërkime bërthamore janë vrarë.
Përveç Fakhrizadeh, në atentat u vranë Mesoud Ali-Mohammadi, Majid Shahriari, Darioush Rezaeinejad dhe Mostafa Ahmadi-Roshan.
Pas vrasjes së Fakhrizadeh, deklaratat në adresë të Izraelit ia behën nga Irani.
Presidenti iranian Hassan Rouhani beson se vrasja e Fahrizade është një kurth për Izraelin dhe tha se ai do t’i përgjigjej atentatit në kohën e duhur.
Kryeministri izraelit Benjamin Netanyahu nuk pranoi të komentonte akuzat dhe tha: “Na presin ditë të tensionuara”. /tesheshi.com/
