Nënshkruhet marrëveshje bashkëpunimi e organizatave të gazetarëve dhe mediave në Maqedoni për ta ndihmuar procesin e reformave në sferën mediale.
Me këtë, sipas kryetarit të SHGM-së, Naser Selmani, gjithë së bashku do të bindin faktorët përgjegjës që sa më shpejtë të rregullohet çështja e mediumeve si njëri ndër kushtet që garantojnë zgjedhje të lira dhe demokratike më 5 qershor, datë kjo kur janë caktuar zgjedhjet e parakohëshme parlamentare në Maqedoni.
Selmani thotë se inistojnë që SHBA-të dhe BE-ja të jenë të përfshira në bisedimet sikurse deri më tani, ndërsa propozimi i tyre të jetë bazë rreth të cilit do të kërkohet zgjidhje.
Përveç tjerash, SHGM-ja me gjithë organizatat tjera mediale kanë parashtruar kërkesë që ditën e premte të takohen me presidentin Ivanov, me kryetarin e Kuvendit Veljanovski, si dhe me liderët e partive politike, nënshkruese të marrëveshjes së Përzhinos.
“Me presidentit duam që të punojmë me qëllim që Maqedonia para botës të legjitimohet si shtet i lire dhe demokratik, ndërsa vlersojmë se Kuvendi mund të luajë rol më të madh në përpjekjet për përmirësimin e gjendjes së lirisë së mediave, si institucion që e miraton kushtetutën, e cila nga ana tjetër e garanton lirinë e shprehjes dhe të mediave”, ka theksuar kryetari i Shoqatës së gazetarëve të Maqedonisë, Naser Selmani duke shtuar se kërkon sqarim nga liderët e partive politike se pse dështuan bisedimet për reformat në sferën e mediave, sepse ata si nënshkrues së marrëveshjes së Përzhinos, janë të obliguar që të zbatojnë reforma serioze në media.
Ndryshe, sipas tij është evidente se një kohë të gjatë nuk kanë zhvilluar bisedime për reformat mediale. Një gjë të tillë e konfirmoi edhe eksperti belg i kyçur në bisedimet mes palëve, Piter Vanhojt. M.Krasniqi – /tesheshi.com/
