Pas shpalljes së pavarësisë së Kosovës dhe referendumit të kontestuar në Katalonja, qeveria serbe ka folur për hapjen e Kutisë së Pandorës. Beogradi frikësohet se lëvizjet për pavarësi nuk mund më të parandalohen në Ballkan, shkruan media populliste austriake “Krone”.
E përditshmja austriake, duke cituar mediat serbe, shkruan se një referendum të ngjashëm si në Katalonja do të ketë në të ardhmen edhe në Republika Srpska të Bosnjes.
Nuk ka dyshim që shumica e serbo-boshnjakëve do votonin për bashkimin me Serbinë, ndërsa një veprim të ngjashëm do merrnin edhe kroato-boshnjakët.
E përditshmja austriake ndalet edhe te kërkesa e Vetëvendosjes për bashkim mes Kosovës dhe Shqipërisë, si dhe përmend referendumin e viteve 90-të të Luginës së Preshevës për bashkimin e saj me Kosovën.
Por ky referendum mbeti i panjohur për qeverinë serbe. /tesheshi.com/
