Autoritetet saudite kërkojnë dënimin me vdekje për tre dijetarë me ndikim në botën islame, duke testuar një kod pashkruar të mbajtur nga sundimtarët e Mbretërisë, shkruan gazeta amerikane The Wall Street Journal.
Gazeta përmend emrat e tyre, duke veçuar faktin se ata janë ndër më të shquarit, si Awad al-Karni dhe Ali Alomari, dhe më i rëndësishmi, Salman al-Awda i cili ka më shumë se 14 milion ndjekës në Tëitter.
Wall Street Journal raporton duke iu referuar aktivistëve të të drejtave të njeriut, se ata u arrestuan gati një vit më pare për shkak se nuk mbështetën haptazi bllokadën saudite mbi Katarin.
Megjithatë, një zyrtar i lartë saudit i tha gazetës se treshja nuk u arrestuan për pikëpamje politike.
“Asnjë person në Arabinë Saudite nuk është nën hetime për shkak të pikëpamjeve të tij politike … Arrestimet e tyre dhe të tjera të figurave janë në përputhje me përpjekjet e Mbretërisë për të luftuar ekstremizmin, i cili ndikon në të gjithë botën”, tha zyrtari.
WSJ thotë se Princi i Kurorës, Mohammad bin Salman dhe babai i tij, Mbreti Salman, ndaluan aktivistë, klerikë, biznesmenë dhe zyrtarë të qeverisë si pjesë e përpjekjeve për të reformuar shoqërinë saudite dhe ekonominë.
Megjithatë, në të gjithë këtë grupim veçohen kjo treshe dijetarësh, pasi për shkak të popullaritetitë madh, ndikimi i tyre shkon përtej ndikimit të çdo personi të arrestuar nga profilet e tjera.
Gazeta thotë se marrja e hapave kundër dijetarëve në Arabinë Saudite mund të kthejë opinionin publik kundër sunduesve në Mbretërinë dhe mund të forcojë kundërshtarët e tyre brenda vetë familjes mbretërore. /tesheshi.com/
