Ish-kandidatja demokrate në zgjedhjet presidenciale amerikanë të 2006-ës përballë Donald Trump, Hillary Clinton do të synojë për të tretën herë që të futet në Shtëpinë e Bardhë, sipas mediave amerikane.
Kjo është thënë në The Wall Street Journal nga këshilltari i saj Mark Penn dhe ish-politikani njujorkez Andrew Stein.
Sipas parashikimeve të tyre, ish-zonja e Parë dhe ish-Sekretarja e Shtetit do të përgatitet për fushatën “Hillary 4.0” për vitin 2020.
“Ajo nuk do të lejojë që dy disfata ta pengojnë në rrugën për në Shtëpinë e Bardhë”, shkruan Penn dhe Stein.
Hillary Clinton kohët e fundit tha se do të donte të ishte presidente, edhe pse ajo më parë tha se nuk dëshironte të kandidonte përsëri për këtë post.
Philippe Reines, një tjetër këshilltar i saj, i tha Politiko-s muajin e kaluar se ai konsideron të çuditshëm faktin që emri i saj nuk gjendet në mesin e kandidatëve të mundshëm për zgjedhjet presidenciale në vitin 2020.
Për momentin, ai nuk mund të imagjinojë një tjetër demokrat(e), siç tha ai, i cili mund ta sfidojë me sukses presidentin aktual Donald Trump. /tesheshi.com/
