Ditët e fundit, situata mes Rusisë dhe Ukrainës është përshkallëzuar dhe në të njëjtën kohë ka deklarata dramatike nga fuqitë perëndimore se pushtimi rus i Ukrainës është çështje kohe dhe se po përgatitet një sulm i plotë, shkruan CBS News.
“Të gjitha indikacionet janë se Rusia po planifikon një sulm të plotë ndaj Ukrainës”, tha sekretari i përgjithshëm i NATO-s, Jens Stoltenberg në emisionin ARD të shtunën.
Shtëpia e Bardhë beson se Rusia mund të sulmojë Ukrainën në çdo kohë, ndaj presidenti Joe Biden do të thërrasë një mbledhje të Këshillit të Sigurisë Kombëtare.
Dje, Putin mbikëqyri një stërvitje të madhe ushtarake të quajtur “Thunder” që zakonisht mbahet çdo verë. Gjatë stërvitjes, u simulua një sulm bërthamor.
Presidenti i Bjellorusisë Lukashenko mori pjesë gjithashtu në stërvitje. Në të njëjtën kohë, Putin dhe Lukashenko kanë zgjatur stërvitjet ushtarake në Bjellorusi që do të përfundonin sot.
Separatistët rusë vranë dhe dy ushtarë ukrainas në granatimet e djeshme. /tesheshi.com/
