Kryeministri Rama është pritur me nderimet më të larta në Ankara, ku mbërriti sot me ftesë të presidentit Erdogan.
Në një pritje të kategorisë A, e cila iu rezervohet lidërve më të njohur të botës, autoritetet turke vepruan sipas protokollit në raste të tilla, duke nxjerrë dhe skuadrat me kuaj në rrugë në nderim të kryeqeveritarit nga Shqipëria, njëherësh duke mbajtur flamurin shqiptar.
“Ankara – Në vizitë zyrtare me ftesë të Presidentit Erdogan, për të hapur një kapitull të ri bashkëpunimi mes dy qeverive dhe nënshkruar një sërë marrëveshjesh me rëndësi në kuadrin e partneritetit tonë strategjik”, shkroi Rama sapo shkeli në tokën turke.
Më pas ka ardhur takimi mes tij dhe Erdogan, të njohur për miqësinë e tyre të ngushtë deri në nivel vëllazëror dhe familjar.
Për këtë shkak, prej kohësh Erdogan ka zhvlerësuar një pjesë të protokollit zyrtar për Ramën gjatë vizitave të këtij të fundit në Turqi. /tesheshi.com/
