Kreu i ri i diplomacisë së BE-së, Josep Borrell tha se përparësia e punës së tij në krye të diplomacisë europiane do të ishte afrimi i Ballkanit Perëndimor dhe arritja e një marrëveshjeje në dialogun midis Serbisë dhe Kosovës.
“Prioriteti im do të jetë të punoj në një marrëveshje gjithëpërfshirëse midis Serbisë dhe Kosovës,” tha ai në një letër drejtuar ministrave të Jashtëm dhe Mbrojtjes të BE.
Në një letër përpara takimit të parë të Këshillit të BE-së, Borrell përshkroi pikëpamjet e tij mbi përparësitë dhe mënyrat e punës brenda politikës së jashtme dhe të sigurisë të BE-së.
Përveç thirrjes për një unitet më të madh dhe një qasje gjithëpërfshirëse ndaj politikës së jashtme dhe të sigurisë të BE-së, ai përshkroi edhe dy “përparësi të qarta” që duhet ta bëjnë diplomacinë Unionit më efikase dhe më strategjike.
“Në radhë të parë, ne duhet të ankorojmë me forcë Ballkanin Perëndimor për në BE,” tha Borrell në letër.
Ai shton se “ndalimi i konfliktit dhe shërimi i plagëve” në një mjedis të menjëhershëm është i rëndësishëm për “stabilitetin dhe sigurinë e vetë BE-së”.
“Prioriteti im do të jetë të punoj në një marrëveshje gjithëpërfshirëse midis Serbisë dhe Kosovës”, tha Borrell.
Ministri i ri Jashtëm i BE-së, pasues i Mogherinit, vëren se është e rëndësishme që vendet anëtare të bien dakord se si të udhëheqin procesin e zgjerimit.
Ai shton se do të punojë për këtë së bashku me ministrat e jashtëm të BE dhe Komisionerin e Zgjerimit Oliver Varhely. /tesheshi.com/
