Një kec me sy në mes të ballit ka lindur në lagjen Musabeyli, në qytetin e Kilisit, në Turqinë juglindore.
40-vjeçari Ahmet Kartal, një blegtor në fshatin Gokmus, u trondit dhe i befasuar kur vuri re se keci i porsalindur kishte sy në mes të ballit.
Ai u tha gazetarëve se ka rreth 25 vite që merret me blegtori dhe se këtë gjë e ka hasur për herë të parë.
“Ky kec ka lindur mbrëmë. Unë u drodha kur e pashë në hambar sepse nuk lëvizte. Kur e fotografova, ndjeva që ai reagoi.
Unë kam 25 vjet që e bëj këtë punë, kurrë nuk kam parë apo dëgjuar diçka të tillë. Ai ndoshta nuk do të mbijetojë.
Do të doja që shërbimet ta marrin përsipër dhe të kujdesen për të”, tha Kartal.
Ahmet Uyar, kreu i Departamentit të Patologjisë në Fakultetin Veterinar të Universitetit Mustafa Kemal në Hatay, tha se ishte një çrregullim kongjenital dhe se ai kishte hasur në raste të ngjashme më parë.
“Ne e quajmë këtë gjendje shkencërisht sebocefali.
Në këtë rast vërehet edhe një anomali në hundë, e cila quhet arinocefali.
Në raste të tilla, hunda mund të jetë ose e vogël ose pa formë. Ka edhe anomali në veshë. Pra, këto janë anomali të lindura,” shpjegoi profesor Uyar. /tesheshi.com/
