Europol arrestoi 566 persona dhe sekuestroi më shumë se 300 armë dhe pothuajse një ton drogë në të gjithë Evropën Jugore, si pjesë e veprimeve të përbashkëta të bashkërenduara të EMPACT, në të cilat morën pjesë 26 vende evropiane dhe disa organizata ndërkombëtare, thuhet në faqen e internetit të kësaj organizate evropiane.
Në periudhën nga 13 deri më 18 nëntor, zyrtarët ndaluan pothuajse 290 mijë subjekte, duke zbuluar 2229 hyrje të paligjshme, në aksione që përfshinin bashkëpunimin e kontrolleve të zgjeruara në kufijtë e jashtëm të BE-së dhe operacione speciale në vendet evropiane.
Gjatë aksionit të koordinuar nga qendra koordinuese ndërkombëtare e themeluar në Shkup, në të cilën morën pjesë mbi 22.000 policë, xhandarmëri, roje kufitare, doganore dhe njësive kombëtare, u konfiskuan edhe mbi 300 armë dhe 20.206 copë municione, si dhe pothuajse një ton drogë. /tesheshi.com/
