Më shumë se pesë milionë njerëz ndoqën fluturimin e fundit të Mbretëreshës Elizabeth II, arkivoli i së cilës me eshtrat e saj u transportua nga Edinburgu, Skoci në Londër të martën në mbrëmje.
Është bërë e ditur se është fluturimi më i ndjekur në histori.
Uebsajti mbarëbotëror i gjurmimit të fluturimeve Flightradar24 raportoi se 4.79 milionë njerëz e përjetuan fluturimin në internet dhe një çerek milioni njerëz të tjerë e panë fluturimin në YouTube.
Kompania tha se gjashtë milionë njerëz u përpoqën të ndiqnin fluturimin që në minutën e parë të Boeing C17A Globemaster duke u larguar nga Aeroporti i Edinburgut, deri duke kërcënuar stabilitetin e platformës.
View playback of the flight carrying the coffin of Queen Elizabeth II from Edinburgh to RAF Northolt. https://t.co/39Vb8cCc76 pic.twitter.com/mU4GetUrWq
— Flightradar24 (@flightradar24) September 13, 2022
“Shtatëdhjetë vjet që nga fluturimi i parë i Mbretëreshës në BOAC Argonaut Atalanta, fluturimi i fundit i Mbretëreshës Elizabeth II është fluturimi më i ndjekur në historinë e Flightradar24”, njoftoi drejtori i komunikimit i kompanisë në një e-mail.
Elizabeth, monarkja më jetëgjatë e Britanisë, vdiq më 8 shtator në Kështjellën Balmoral në Skoci. Varrimi i saj do të bëhet më 19 shtator në Londër.
Flightradar24 raportoi se fluturimi u ndoq nga dy herë më shumë njerëz sesa mbajtësi i mëparshëm i rekordit. Më parë, 2.2 milionë njerëz ndoqën fluturimin e Kryetares së Dhomës së Përfaqësuesve të SHBA, Nancy Pelosi, kur ajo udhëtoi për një vizitë të diskutueshme në Tajvan në gusht. /teshesh.com/
