Komisioni Kombëtar i Shëndetit në Kinë tha se numri i përgjithshëm i vdekjeve të konfirmuara nga infeksioni koronavirus u rrit me 38 në 170, ndërsa numri i të infektuarve u rrit për më shumë se 1.700 raste.
Një total prej 7,736 rastesh të infeksionit të koronavirusit në Kinë u konfirmuan deri në fund të ditës së mërkurën, me 12.167 të tjerë të dyshuar, tha komisioni, duke shtuar se 1.239 njerëz janë në gjendje kritike.
Nga 170 vdekje deri më tani, 162 janë raportuar në epiqendrën e epidemisë në provincën Hubei.
Virusi, i cili është përhapur në të gjithë vendin ndërkohë, po përhapet dhe në të gjithë botën, duke shkaktuar 70 infeksione në më shumë se 20 vende, duke përfshirë Japoninë, Gjermaninë, Francën, Tajvanin dhe Vietnamin.
Këtyre vendeve iu bashkuan nga Emiratet e Bashkuara Arabe dhe Finlanda, ku u raportuan rastet e para të infeksionit.
Malajzia konfirmoi rastin e tetë dhe Singapori të dhjetin. Rasti i pestë u konfirmua në Francë.
Paneli i ekspertëve i Organizatës Botërore të Shëndetësisë (OBSH) do të mblidhet përsëri të enjten për të vendosur nëse do të deklarojë përhapjen e shpejtë të infeksionit si “një kërcënim për shëndetin publik dhe shqetësim ndërkombëtar”. /tesheshi.com/
