Më shumë se 130 vende të botës kanë rënë dakord për një plan për të futur rregullat globale të taksave të korporatave, të cilat do të diskutohen nga ministrat e financave të G20 javën e ardhshme, tha të premten ministri gjerman i Financave, Olaf Scholz.
“Me marrëveshje të përbashkët mbi draftin e reformës së rregullave globale të tatimit mbi të ardhurat e korporatave, ne kemi bërë një hap të madh përpara. Ky është një sinjal pozitiv dhe jam i sigurt se deri në verën e vitit të ardhshëm do të jemi në gjendje të arrijmë një marrëveshje përfundimtare mbi këtë plan reforme”, tha Scholz në një deklaratë.
Organizata për Bashkëpunim Ekonomik dhe Zhvillim (OECD) po punon për hartimin e rregulloreve që u kërkojnë kompanive dixhitale të paguajnë taksa atje ku veprojnë, sesa ku regjistrojnë degë.
Kjo mund të rrisë të ardhurat e taksave kombëtare me një total prej 100 miliardë dollarësh në vit, vlerëson OECD.
Recesioni i shkaktuar nga pandemia COVID në shumë vende të industrializuara ka ngritur dyshime në lidhje me qëllimin e OECD për të arritur konsensus midis më shumë se 130 vendeve këtë vit.
Scholz shtoi se qëllimi kryesor i çdo marrëveshje do të ishte të siguronte që gjigandët dixhitalë si Google, Amazon dhe Facebook të detyrohen të paguajnë një pjesë të drejtë të taksave. /tesheshi.com/
