Numri i viktimave civile në Afganistan që nga viti 2009 ka tejkaluar 100,000, tha Tadamichi Yamamoto, kreu i misionit të Kombeve të Bashkuara në vend.
Misioni i Ndihmës i KB në Afganistan (UNAMA) ka regjistruar numrin e civilëve të vrarë ose të plagosur në Afganistan që nga viti 2009 dhe u bën thirrje autoriteteve atje të gjejnë mënyra për të ndaluar dhunën në vend.
Talibanët, grupi kryesor rebel i Afganistanit, deri më tani ka refuzuar të negociojë direkt me qeverinë në Kabul. Por një përfaqësues amerikan për pajtimin në Afganistan, tha kohët e fundit tha Shtetet e Bashkuara dhe Talibanët janë afër një “fazë të rëndësishme” në negociata.
Bisedimet midis dy palëve vazhduan këtë muaj pasi Presidenti amerikan Donald Trump i ndërpreu ato në shtator pas vrasjen e një ushtari amerikan në një sulm në kryeqytetin afgan.
Në tetor, KB njoftoi se një rekord prej 4,300 civilësh ishin vrarë ose plagosur në Afganistan midis korrikut dhe shtatorit të këtij viti, me 42 përqind krahasuar me të njëjtën periudhë të vitit të kaluar.
Kjo e bëri periudhën në vitin 2019 më të përgjakshme në konfliktin afatgjatë afgan, që kur UNAMA filloi mbledhjen e të dhënave, sipas Reuters. Në nëntë muajt e parë të 2019, numri i të vdekurve është më shumë se 8,000.
Kryengritësit talibanë, të cilët po luftojnë pushtetin në Kabul, sot kontrollojnë më shumë vendin se çdo kohë që kur u rrëzuan gati dy dekada më parë.
Vitet e fundit, ata kanë rritur sulmet e tyre vetëvrasëse ndërsa Uashingtoni përpiqet të tërheqë forcat e tij nga vendi. /tesheshi.com/
