Më shumë se 100 milionerë në mbarë botën, të mbledhur rreth grupeve “Milionerët patriotë”, “Milionerë dhe humanistë” dhe “Mw takso tani”, dërguan një letër të hapur duke u bërë thirrje qeverive që t’i taksojnë ata.
“Na taksoni tani”, shkruan ata në një letër, të cituar nga Oxfam.
Apeli është dërguar me rastin e një sërë ligjëratash “Davos Agenda” të Forumit Ekonomik Botëror.
Një taksë e pronës për më të pasurit, sipas Oxfam, do të ndihmonte në reduktimin e pabarazive sociale, në rritje si dhe do të financonte kujdesin shëndetësor dhe arsimin.
Në letrën e milionerwve thuhet se bota ka vuajtur shumë në dy vitet e fundit për shkak të pandemisë së koronavirusit, se më të pasurit janë bërë edhe më të pasur dhe vetëm një pjesë e vogël e tyre paguajnë taksat e duhura.
Mes nënshkruesve të letrës janë, ndër të tjera, producentja amerikane e filmit Abigail Disney dhe sipërmarrësi amerikan Nick Hanauer.
Oxfam, në një studim të mëparshëm, arriti në përfundimin se një taksë mbi pronën e milionerëve me vetëm 2 për qind në vit dhe 5 për qind për miliarderët do të sillte 2.52 trilion dollarë në vit në nivel global. /tesheshi.com/
