Çfarë ndodh kur në një vend ku lajmet janë të mbushura me histori të grave të përdhunuara? Një grup grash, kap shkopinj në duar dhe fillon të merret fizikisht me zuzarët e jetës reale?
Banda e grave Pink Gulabi në Indi bën pikërisht këtë.
Gulabi ose banda rozë e Indisë është një grup grash që luftojnë kundër burrave të dhunshëm. Duke qenë se në disa raste nuk mjafton një grua për të “larë hesapet” me një burrë dhunues, ata bashkohen që të ndëshkojnë autorët.
Banda u krijua pasi një grua nga një fshat në veri të Indisë, Sampat Pal Devi, pa një grua tjetër duke u rrahur në rrugë.
Në përpjekje për ta ndihmuar, ajo u rrah vetë, por vendosi të mos ndalet me kaq.
Të nesërmen, e shoqëruar nga pesë gra, ajo gjeti sulmuesin, të cilin më pas e rrahën me shkopinj.
Lajmi për këtë u përhap shpejt dhe shumë gra vendosën t’i bashkoheshin asaj në ndërhyrjet që ishin në rritje.
Pasi vendosi në vitin 2006 se motra e saj kishte nevojë për një uniformë, si dhe emrin origjinal, Pal Devi zgjodhi një sari rozë si shenjë njohjeje – një kostum popullor indian për femra, që nënkupton feminitetin dhe forcën e nënvlerësuar.
Sot, banda Gulabi ka marrë përsipër luftën kundër padrejtësive të shumta që hasen në shoqëri – luftën për edukimin e vajzave, kundër përdhunuesve, partnerëve të dhunshëm, sulmuesve seksualë, korrupsionit, martesat e fëmijëve, për të inkurajuar gratë për pavarësi financiare dhe të ngjashme. /tesheshi.com/
