Deputeti Braçe ka shprehur pezm nga pamja e trishtë e një sasie të madhe gruri të shpërndarë në autostradën Tiranë-Durrës, pas një aksidenti të trajlerit me sasinë e drithit, mbi të cilin kalonin automjetet.
“Është grurë, grurë për bukë. Zotërinj të policisë, nuk kalojnë makinat mbi grurë, as ju vetë me këmbë mbi grurë!
Është e shëmtuar!
Kamioni mesa duket ka dalë nga porti ku anija solli grurin nga Ukraina! Pa fat! Por jo deri këtu”, shkruan deputeti socialist.
Dhe në fakt, për keqardhje, s’u shfaq asnjë ndjeshmëri nga ana e shumë drejtuesish të automjeteve, sigurisht as nga policia, për të mos ecur mbi grurë. /tesheshi.com/
