Shërbimi i inteligjencës ushtarake ukrainase raporton se gjenerali rus 45-vjeçar Vitaly Gerasimov, një veteran i luftimeve në Çeçeni dhe Siri, i cili në vitin 2014 gjithashtu mori pjesë në pushtimin rus të gadishullit të Krimesë, u vra në luftimet rreth Kharkiv.
Gjeneralmajor Gerasimov ishte zëvendëskomandant i Ushtrisë së 41-të.
Agjencia e gazetarisë investigative Bellingcat tha se kishte konfirmuar vdekjen e Gerasimovit me një burim rus.
Drejtori ekzekutiv i saj Kristo Grozev tha se ata identifikuan gjithashtu një oficer të lartë të FSB-së në një bisedë të përgjuar.
Rusia nuk e ka komentuar ende lajmin dhe nëse konfirmohet, ky është gjenerali i dytë rus që humbi jetën gjatë sulmit në Ukrainë.
I pari që u vra në Ukrainë ishte gjenerali Andrei Sukhovetsky, komandant i Divizionit të 7-të Ajror Rus, i cili ishte gjithashtu një veteran i luftimeve në Siri. /tesheshi.com/
