Arizona i është bashkuar radhëve të shteteve amerikane që lëvizin drejt ndalimeve pothuajse totale të abortit, pas një vendimi të Gjykatës Supreme të SHBA që u dha shteteve të drejtën të vendosin vetë nëse do të ndalonin abortet.
Vendimi i gjykatës së Arizonës rivendos në mënyrë efektive një ligj nga… 1864.
Gjykata vendosi të rivendoste një ligj që lejonte abortin për të shpëtuar jetën e nënës, por jo pas përdhunimit ose incestit. Është një legjislacion që i paraprin themelimit të shtetit, vlefshmëria e të cilit u pezullua në vitin 1973 pas vendimit “Roe kundër Wade” që legalizoi abortin.
Dënimi për çdo personel mjekësor që ndihmon në një abort është dy deri në pesë vjet burg.
Sidoqoftë, situata është e ndërlikuar ligjërisht, pasi Arizona miratoi një ligj në fillim të vitit 2022 që ndalonte abortet pas javës së 15-të të shtatzënisë.
Ligji do të hyjë në fuqi nesër, por, siç thekson The Guardian, është e paqartë se cili nga dy legjislacionet kontradiktore do të jetë në fuqi. Guvernatori ndër të tjera është pro zbatimit të ligjit 15-javor. /tesheshi.com/
