Katarit, shteti i vogël i Gjirit, vazhdon të ofrojë ndihma për banorët e zonave të prekura nga tërmeti i 26 nëntorit.
Së fundi, një delegacion nga Gjysmëhëna e Kuqe e Katarit aktualisht edhe po inspekton situatën në zonat e dëmtuara, me qëllim identifikmimin e sa më shumë realiteteve, me qëllim për t’u ardhur në ndihmë banorëve të prekur, si dhe për të studiuar nevojat e vendit për rindërtim dhe mundësinë e zbatimit të programeve ekonomike për familjet në nevojë.
Të premten , delegacioni i Gjysmëhënës së Kuqe Katarianenë koordinim me Kryqin e Kuq Shqiptar, shpërndau ndihma dhe materiale të tjera për familjet e prekura në disa zona. E si gjithnjë, ishte vetë ambasadori i Katarit Ali bin Hamad Al Marri, i cili “përveshi krahët” i pari. E shoqëronin atë, Prefekti i Durrësit Roland Sato, si dhe Presidenti i Kryqit të Kuq Shqiptar, Ylli Alushi.
Ambasadori i Katarit theksoi se këto ndihma janë në kuadër të mbështetjes së vazhdueshme që Shteti i Katarit nën direktivat e Emirit Sheikh Tamim bin Hamad Al Thani, i jep Republikës së Shqipërisë dhe popullit mik shqiptar. “Ndihmat nga Gjysmëhëna e Kuqe Katariane në partneritet me Fondin e Katarit për Zhvillim, do t’i ofrohen 700 familjeve të prekura nga tërmeti në disa zona të ndryshme, veçanërisht zonat me terren të vështirë dhe njerëzve më në nevojë” – tha ai, duke siguruar se ndihma katariane nuk do të ndalet përgjatë gjithë situatës së vështirë që po kalon Shqipëria. /tesheshi.com/
