Më në fund, Suedia i thotë “Jo” Paludanit

Më në fund, autoritetet suedeze kanë guxuar të refuzojnë një kërkesë të radhës të Rasmus Paludan, njeriut që e ka shndërruar në rit famëkeq djegien e Kuranit këtë muaj Ramazani në vendin nordik, duke provokuar jo pak trazira sociale.

Kreu i një partie të ekstremit të djathtë (Stram Kurs), edhe pse pa përkrahës, deri tani dhe pa elektorat, ka kërkuar leje për të mbajtur një tubim për ritin në fjalë në qytetin suedez të Boras, më 29 prill, raporton AA. Por policia e atyshme tha në një deklaratë se kërkesa e Paludanit u refuzua.

“Rasmus Paludan ndjek retorikën që shkakton rrëmujë dhe kaos. Ne kemi parë më herët se si njerëzit u ekspozuan ndaj rrezikut serioz dhe u plagosën punonjës policie. Dhuna nuk duhet pranuar si shprehje e pakënaqësisë ndaj Paludan. Është detyrë e policisë të garantojë sigurisë”, thuhet në deklaratë.

Paludan, i cili ka nënshtetësi daneze dhe suedeze, ka provokuar duke djegur Kuranin në qytete të ndryshme daneze që nga viti 2017.

Gjatë muajit të Ramazanit, muajit të agjërimit mysliman, vitin e kaluar, Paludani provokoi edhe provokime dhe prani të policisë pranë vendbanimeve dhe xhamive myslimane.

Ditët e fundit, Paludan ka provokuar duke djegur kopje të Kuranit në Stokholm, kryeqytetin e Suedisë, dhe qytete të tjera suedeze, duke përfshirë Malmö, Norkoping dhe Jonkoping.

Protestuesit, të cilët kërkuan që autoritetet suedeze të ndalonin Paludan, sulmuan policinë me gurë dhe i vunë flakën gomave në rugë. Nga incidentet u plagosën 104 policë dhe 14 demonstrues. /tesheshi.com/